Optimum
Таркиби: 1 “ОПТИМУМ” капсулада:
Оддий қизилмия экстракти (Extractum Glycyrrhizae siccum) ……………………………………………………. 100 мг
Грейпфрут уруғи ва пўстлоғи экстракти 4:1 (Grapefruit seed and rind extract) …………………………….. 200 мг
Саримсоқ пиёз кукуни (Allium pulveris) ………………………………………………………………………………… 60 мг
Лизин (L-Lysine) …………………………………………………………………………………………………………………… 25мг
Астрагал (Astragalus) ……………………………………………………………………………………………………………. 15 мг
Биоперин (Bioperine) …………………………………………………………………………………………………………… 1 мг
Ёрдамчи моддалар: кальций стеарати, лактоза моногидрати, картошка крахмали.
Қаттик желатин капсуланинг таркиби: желатин, глицерин, тозаланган сув, титан диоксиди, натрий лаурилсульфати, бўёвчилар: кўк патентланган буёвчи Е131.
Дори шакли: қаттиқ желатин капсулалар тўқ кўк рангда.
Фармакологик гуруҳи: Вирусларга қарши (ВИЧдан ташқари) воситалар мажмуада.
Фармакологик таъсири: Вирусларга қарши, протозойларга қарши, антисептик, антиатеросклеротик, иммунитет рағбатлантирувчи
Фармакодинамика:
Қизилмия организмнинг барча тизимларига таъсир кўрсатади. Вирусларга қарши, яллиғланишга қарши, ўрта антибактериал, гипосенсибилизик ва иммунитетни рағбатлантирадиган таъсирларга эга. Урогенитал яллиғланишларда: пиелонефритлар, пиелитлар, циститлар, уретритлар, простатитлар, генитал герпесда қўлланилади. Таркибидаги бета-ситостеринлар простата бези аденомасини олдини олади, сийдик хайдашни кучайтиради.Бета-глицирризин кислотаси кортикостериод гормонлар каби яллиғланишга қарши ва антиаллергик таъсир этади, шунинг учун аллергик “қичима” дерматозларда, терининг қон томирларидаги микроциркуляцион ўзгаришларда қўлланилиши мақсадга мувофиқ. Таркибидаги глицирризин ва глицирризин кислотасининг юқори даражалари иммунитет рағбатлантирувчи, яллиғланишга қарши ва адаптоген таъсирларни таъминлаб беради. Эстроген фракцияси ошқозон-ичак яраларига қарши таъсир килади. Химик таркиби: гликозид глицирризин, глицирризин кислотасини кальций ва калий тузларидан иборат; глицирризин кислотаси (тритерпен сапонини); флавоноидлар (27 таркиблари) – ликвиритин, ликвиритозид, ликурозид ва бошқалар; глицирет (глабр) кислотаси; диоксистигмастерин, бетаситосте-рин,цирризин аччиғи, аспарагин. Қизилмия таркибига яна витамин С, сариқ бўёқ, эфир мойлари, стероидлар, гум, қатронлар киради. Қизилмия илдизи кучли антиоксидант таъсирга эга, қондаги холестерин миқдорини пасайтиради.
Грейпфрут уруғи ва пўстлоғи экстракти замбуруққа қарши, антибактериал, микробларга қарши, паразитларга қарши, антисептик, вирусларга қарши таъсирга эга. Грейпфрут экстракти инфекцияларда ва урогенитал тизим органлари, оғиз бўшлиғи ва нафас олиш органлари, овқат ҳазм қилиш йўллари замбуруғли флорасида, тери қопламаларда, жумладан герпес пайтида қўлланилади.
Саримсоқ пиёз кукуни қондаги холестерин миқдорини пасайтиради, антикоагуляцион таъсири бор, организмнинг инфекцияга чидамлилигини оширади, ундан ташқари саратон касаллигига қарши курашиш таъсирга эга. Липидлар алмашинувига таъсир кўрсатади.
Лизин барча протеинлар/оқсилларнинг қурилиш материали вазифасини бажаради, коллаген ва тўқималарнинг ўсишига, тикланишига кўмаклашади, антителалар, гормонлар, ферментлар ишлаб чиқаришда иштирок этади, герпес инфекциясини эҳтимоллигини камайтириш ва/ёки олдини олишга ёрдам беради, кальций абсорбациясига кўмаклашади, организмда азотнинг тегишли мувозанатини сақлайди; кўз линзаси шикастланишини секинлаштиради; қондаги триглицеридларнинг юқори даражасини камайтиради.
Астрагал. Ўсимлик дориси томир кенгайтирувчи, коронародилатик, кардиотоник, гипотензив, тинчлантирувчи, сийдик ҳайдовчи, яллиғланишга қарши, қон тўхтатувчи ва жароҳатни битирувчи таъсир кўрсатади. Мия қон айланиши ва тўқима нафас олишини яхшилайди. Гепаринга плазманинг чидамлилигини оширади, фибринолиз кўрсаткичларини меъёрлаштиради. Микроциркуляцияни яхшилайди, капиляр қон оқимини меъёрлаштиради.
Биопериннинг махсус таъсири унинг ошловчи моддаларни хазм қилишини активлаштириш, уларнинг қонга транспортини кучайтириш билан боғлиқ. Биоперин минералларни ва хар хил группадаги витаминларни сўрилишини кучайтиради, қондаги инсулин миқдорини регуляция қилади.
Фармакокинетикаси:
Препаратнинг таркиби кўп компонентли ҳамда ҳар бир компонентини алоҳида кузатиш мумкин эмаслиги туфайли, ОПТИМУМ препаратинингфармакокинетикаси бўйича маълумотлар йоқ.
Қўлланилиши:
• ЎРХ ва ЎРВИ (грипп)ларни олдини олиш ва даволаш;
• Урогенитал тизимини ўткир инфекцион касалликларини: пиелонефрит, пиелит, цистит, уретрит, простатит, генитал герпесни олдини олиш ва даволаш;
• Бронх-ўпка тизимини рағбатлантириш;
• Носпецифик иммунитетни рағбатлантириш;
• Иммунитет пасайиши билан кечадиган сурункали инфекцион касалликлардаги узоқ давом этувчи антибиотик терапиясида ёрдамчи восита сифатида;
• Умумий мустаҳкамловчи восита сифатида;
• Витаминлар, фитонцидлар, аминокислоталар қўшимча манбаси сифатида.
Қўллаш усули ва дозалари: Касалликларнинг олдини олиш мақсадида 6-12 ёшдаги болаларга ичга, 1 капсуладан кунига 1-2 марта овқат вақтида буюрилади. 12 ёшдан бўлган болаларга ва катталарга ичга 1 капсуладан кунига 3-5 марта овқат вақтида. Энг кам даволаш курси 10 кун.
Даволашда 6-12 ёшдаги болаларга ичга, 1 капсуладан кунига 2-3 марта овқат вақтида буюрилади. 12 ёшдан бўлган болаларга ва катталарга ичга 2 капсуладан кунига 3-5 марта овқат вақтида. Урогенитал тизимини инфекцияларида 12 ешдан катта булган болаларга ва катталарга 2-3 капсуладан 3-5 махал. Даволаш курси 10 кундан бошланиб шифокор маслахати билан узайтирилади. Зарурат бўлганида қабул қилишни такрорлаш мумкин. Қабул қилишдан олдин шифокор билан маслаҳатлашиш керак.
Қўллаш мумкин бўлмаган ҳолатлар: Препаратнинг компонентларини индивидуал ўзлаштиролмасликда қўллаш мумкин эмас. Буйрак фаолиятини ўткир бузилишларида: ўткир буйрак етишмовчилиги, сурункали буйрак етишмовчилигини декомпенсация босқичида.
Хомиладорлик ва эмизиклик даврида қўлланилиши: Хомиладорлик ва эмизиклик даврда қўлланилишини хавфсизлиги етарли даражада ўрганиб чикилмаган. Шифокор маслахати билан қўлланилсин. Она соғлигига фойдаси болани соғлигига потенциал хавфидан устун холатларида қўлланилиши мумкин.
Эҳтиёткорлик чоралари: Тавсия этилган дозага қатъий риоя қилиш керак. Даволаш курси вақтида алкоголь ичимликлар истеъмол қилиниши ман этилади.
Ножўя таъсирлари: Аллергик реакциялар (тери тошмалари) кузатилиши мумкин.
Дориларнинг ўзаро таъсири: Препаратни аминогликозидлар (гентамицин, канамицин ва бошқалар) билан қўллаш нефротоксик таъсири мумкинлигидан ман этилади. L-лизин эсцинати ва антикоагулянтлар билан қўлланилганда кўрсатилганларни дозаларини пасайтириш керак (протромбин индекси назорати).
Махсус кўрсатмалар: Бронхиал астма касаллигида беморлар доимий назоратда бўлишлари керак.
Дорихоналарда бериш тартиби: рецептсиз берилади.
Сақлаш шароити: қуруқ, ёруғликдан ҳимояланган жойда, 25°С гача ҳароратда, болалар ололмайдиган жойда сақлансин.
Чиқарилиш шакли: 24 капсуладан ПВХ пленка / алюмин фольгали блистерда. Картон қутида 1,2
блистер, қўллаш бўйича йўриқнома.
Дорихоналарда бериш тартиби: рецептсиз берилади.
Яроқлилик муддати: 2 йил. Препаратни яроқлилик муддати тугаганидан сўнг қўллаш мумкин эмас.
Ишлаб чиқарувчи: «Vitamore» МЧЖ, Ўзбекистон, Тошкент вилояти, Зангиота тумани, Хонобод Қ.Ф.Й., Хонободтепа кўчаси, 150. Тел: (+99895) 144-84-44.